9,10 dekabr 2021-ci il tarixlərində Bakı Ekspo Mərkəzində Təhsil Nazirliyinin dəstəyi ilə “STEAM Azərbaycan” layihəsi çərçivəsində ilk STEAM Azərbaycan Festivalını 2021 keçirilib.
Ölkənin 6-11-ci sinif şagirdləri üçün ilk dəfə təşkil edilən festivalın keçirilməsində məqsəd müxtəlif ideyaları ilə fərqlənən istedadlı və yaradıcı şagirdlərin aşkar olunması, təhsilalanlar arasında yeni əməkdaşlıq və ünsiyyət imkanlarının inkişaf etdirilməsidir. Festival çərçivəsində 10 kateqoriya üzrə - “STEAM Open (makerthon)”, “Hackathon”, “Mıcro:Bıt”, “Lego Sumo”, “Line follower”, “3D Cad”, “Short Movie”, “Edu Drone”, “Humanoıd Robot” yarışlar təşkil edilib. Əlavə olaraq məktəblilərə Kvest texnologiyaları modulu üzrə “Escape Room”la tanış olmaq, oyunun aktiv iştirakçısına çevrilmək imkanı yaradılıb. Festivala regionlardan 91 komandadan 374 iştirakçı, paytaxt üzrə 198 komandadan 518 iştirakçı olmaqla, ümumilikdə 289 komandadan 892 iştirakçı qatılıb.
Tədbirdə çıxış edən təhsil naziri Emin Əmrullayev festivala qatılan şagirdlərin təhsil aldıqları məktəblərə yüksək motivasiya ilə geri dönəcəklərini, həmçinin festivalın onların İKT üzrə bilik və bacarıqlarının aşkar və inkişaf etdirilməsində əhəmiyyətlini vurğulayıb. Təhsil naziri növbəti illərdə festivalın coğrafiyasının genişləndirilməsinin, digər ölkələrdən də məktəblilərin cəlb olunmasının nəzərdə tutulduğunu deyib.
Nazir festivalın keçirilməsində əməyi olan şəxslərə təşəkkürünü bildirib, qalib komandaları təbrik edərək onlara uğurlar arzulayıb.
10 dekabr qaliblərin mükafatlandırılması və bağlanış mərasimi keçirilib.
Qalib komandaların siyahısı:
| Tuttuğu yer | Kateqoriya | Komanda adı | Region |
| 1-ci yer | 3D CAD | Təkamül | Bakı |
| 1-ci yer | Edu Drone | ZƏFƏR (Hədəf) | Bakı |
| 1-ci yer | Hackathon | PHOBOS | Bakı |
| 1-ci yer | Humanoid | Unimate | Gəncə |
| 1-ci yer | Lego Sumo Junior | Victor | Şirvan |
| 1-ci yer | Lego Sumo Senior | RoboKaspi Senior | Bakı |
| 1-ci yer | Line Follower | RaPID | Bakı |
| 1-ci yer | Micro:bit | STEAM Zəkalar | Bakı |
| 1-ci yer | STEAM Open | Greypfrut | Bakı |
| 1-ci yer | Short Movie | Mystery | Bakı |
| 2-ci yer | 3D CAD | Heyvanların müdafəsi | Masallı |
| 2-ci yer | 3D CAD | İstiqlal | Bakı |
| 2-ci yer | Edu Drone | Zəfər (136) | Bakı |
| 2-ci yer | Edu Drone | Tigers | Bakı |
| 2-ci yer | Hackathon | Black and White | Bakı |
| 2-ci yer | Humanoid | Mind Bogglers | Bakı |
| 2-ci yer | Lego Sumo Junior | BakuRob | Bakı |
| 2-ci yer | Lego Sumo Senior | Qələbə | Bakı |
| 2-ci yer | Line Follower | Robuilders | Mingəçevir |
| 2-ci yer | Line Follower | King of robots | Bakı |
| 2-ci yer | Micro:bit | Balakənli Proqramçılar | Balakən |
| 2-ci yer | Micro:bit | Zəfərim | Bakı |
| 2-ci yer | STEAM Open | Zəfər-Quba | Quba |
| 2-ci yer | STEAM Open | İşıqlı dünya | Bakı |
| 2-ci yer | Short Movie | Qələbə komandası | Zaqatala |
| 3-cü yer | 3D CAD | Эрудиты | Bakı |
| 3-cü yer | 3D CAD | Lacci | Bakı |
| 3-cü yer | 3D CAD | Mina axtaranlar | Bakı |
| 3-cü yer | Edu Drone | «Пионеры» | Bakı |
| 3-cü yer | Edu Drone | Silent Kill Drone | Bakı |
| 3-cü yer | Edu Drone | Bayraqdar | Bakı |
| 3-cü yer | Hackathon | Digibrains | Gəncə |
| 3-cü yer | Humanoid | Robot Reboot | Gəncə |
| 3-cü yer | Lego Sumo Junior | NanoSumo | Bakı |
| 3-cü yer | Lego Sumo Junior | Zəfər Şamaxı | Şamaxı |
| 3-cü yer | Lego Sumo Senior | Chaos | Bərdə |
| 3-cü yer | Lego Sumo Senior | Naxçıvanqala | Naxçıvan |
| 3-cü yer | Line Follower | SUMbuilders_4 | Sumqayıt |
| 3-cü yer | Line Follower | RoboKaspi_LF | Bakı |
| 3-cü yer | Line Follower | Zirvə | Bakı |
| 3-cü yer | Micro:bit | Zefere dogru | Bakı |
| 3-cü yer | Micro:bit | Xəzər | Bakı |
| 3-cü yer | Micro:bit | ŞABRAN | Şabran |
| 3-cü yer | STEAM Open | Drop | Astara |
| 3-cü yer | STEAM Open | Smart Map of Karabakh | Bakı |
| 3-cü yer | STEAM Open | Zəfər yolu | Quba |
| 3-cü yer | Short Movie | Nur | Ucar |
Qeyd edək ki, 2019-cu ildən Təhsil Nazirliyi tərəfindən tətbiqinə başlanılan STEAM (Science, Technology, Engineering, Art və Math) layihəsinin əsas məqsədi təhsilalanlarda tənqidi, yaradıcı düşüncə, əməkdaşlıq və s. kimi XXI əsr bacarıqlarını formalaşdırmaq, yaradıcı proses vasitəsilə öyrənmə imkanı yaratmaq, fənləri ayrılıqda öyrətmək deyil, onları real dünyadakı tətbiqlərə əsaslanan vahid öyrənmə modelində birləşdirməkdir. Eyni zamanda müxtəlif proqramlaşdırma dillərini tətbiq etməklə müasir İKT avadanlıqlarından istifadə etmək qabiliyyətlərini yüksəltməkdir.